Qazaqstanda qyrkúıektiń sońyna deıin ashyq, qurǵaq ári tymyq aýa raıy saqtalady. Alaıda 1 qazannan bastap jaǵdaı kúrt ózgeredi — bul týraly «Qazgıdromet» sınoptıkteri eskertti, dep habarlaıdy infohub.kz saıty.
29 jáne 30 qyrkúıekte respýblıkanyń barlyq derlik aýmaǵynda jaýyn-shashynsyz aýa raıy ornaıdy. Biraq 1 qazanda jyly jáne sýyq aýanyń soqtyǵysýynan aýa raıy turaqsyz bolady: naızaǵaıly jańbyr jaýyp, jel kúsheıedi.
Túnde jáne tańǵy ýaqytta eldi tuman basady, al soltústik oblystarda 1…3°S-qa deıin úsik júredi. Kúndiz soltústikte aýa temperatýrasy +15…+23°S bolsa, ońtústikte +20…+25°S-qa deıin salqyndaıdy. Taýly aýdandarda termometr baǵany +15…+23°S-tan +8…+13°S-qa deıin tómendeıdi.
Astanada jaýyn-shashynsyz, ala bultty aýa raıy kútiledi. Jel soltústik-shyǵystan soǵady: túnde 3-8 m/s, kúndiz 9-14 m/s. Túnde aýa temperatýrasy +2…+4°S, topyraq betinde 2°S-qa deıin úsik bolady. Kúndiz aýa +13…+15°S-qa deıin jylynady.
Almatyda da jańbyrsyz jáne qarsyz, ala bultty aýa raıy boljanady. Jel soltústik-shyǵystan 3–8 m/s soǵady. Túnde temperatýra +9…+11°S, kúndiz +21…+23°S bolady.
Shymkentte jańbyrly, ala bultty aýa raıy kútiledi. Jel soltústik-shyǵystan 15-20 m/s-qa deıin ekpindeıdi. Túnde temperatýra +10…+12°S-qa deıin tómendep, kúndiz +22…+24°S-qa deıin jylynady.
Buǵan deıin «Kýrsıv» 28 qyrkúıekte Almaty men Qazaqstannyń taǵy jeti qalasynda qolaısyz meteorologıalyq jaǵdaı kútiletinin jazǵan bolatyn.