Belarýs tenısshisi Arına Sobolenko AQSh ashyq chempıonatynyń fınalynda raketkasyn syndyryp, operatorlarǵa balaǵat sózder aıtqany úshin aıyppul tóleýi múmkin. Bul týraly infohub.kz saıty habarlaıdy.
NUR.KZ Yahoo Sports Australia-ǵa silteme jasap habarlaǵandaı, sportshy Úlken dýlyǵa týrnıriniń eki erejesin buzǵan. Fınalda jeńilis tapqan soń ol raketkasyn syndyryp, ózine tym jaqyn kelgen operatorlarǵa balaǵat sózder aıtqan.
Úlken dýlyǵa týrnırleriniń erejesine sáıkes, syndyrylǵan raketka úshin eń joǵary aıyppul 50 myń AQSh dollaryn quraıdy — mólsheri jaǵdaıǵa baılanysty. Ádette aıyppul áldeqaıda az bolatyny atap ótilgen, alaıda Sobolenko buǵan deıin de osyndaı ereje buzǵany úshin qosymsha aıyppul alýy múmkin. Ol 2025 jyly Avstralıa ashyq chempıonatynyń fınalynan keıin de raketkasyn syndyrǵan, al 2023 jyly AQSh ashyq chempıonatynyń fınalynan keıin kıim aýystyratyn bólmede birneshe raketkasyn syndyrǵan.
Operatorǵa aıtylǵan balaǵat sózderge keletin bolsaq, ondaı ádepsiz leksıka úshin aıyppul ádette 3 myńnan 5 myń dollarǵa deıin bolady.
Eske salaıyq, maýsymdaǵy sońǵy Úlken dýlyǵa týrnırin Elena Rybakına jeńip aldy. Bul nátıje oǵan 9901 upaımen Áıelder tenıs qaýymdastyǵynyń (WTA) reıtıńinde kósh bastaýǵa múmkindik berdi. Qazaqstandyq jekeleı synda álemniń birinshi raketkasy mártebesinde debút jasady. Ekinshi orynǵa US Open fınalynda Rybakınaǵa jol bergen belarýs tenısshisi Arına Sobolenko tústi.
Mach aıaqtala salysymen belarýs sportshysy raketkasyn syndyryp, keıin operatorlarǵa birneshe ret balaǵat sózder aıtyp, ózin túsirmeýdi suraǵan. WTA reıtıńteri jańarǵan soń qazaqstandyq resmı túrde álemdegi №1 atandy.