Qazaqstandyq karatıst Sofá Berýlseva Japonıada ótip jatqan XX jazǵy Azıa oıyndarynda el qorjynyna tórtinshi altyn medaldi saldy, dep habarlaıdy infohub.kz saıty.
25 jastaǵy sportshy 68 keliden joǵary salmaq dárejesinde synǵa tústi. Fınalǵa deıingi jolda ol Saýd Arabıasynyń ókili Dına Ahmed Mostafany (9:6) jáne Nepal sportshysy Arıka Gýrýngty (2:1) utty.
Sheshýshi beldesýde Berýlseva Taıland ókili Manıvan Býtsývanmen kezdesti. Aıqas qazaqstandyq sportshynyń 8:0 esebimen merziminen buryn jeńisimen aıaqtaldy.
Osy salmaq dárejesinde qola medaldi Mostafa men ındonezıalyq Leıka Al Hýmaıra Lýbıs jeńip aldy.
Berýlseva Azıa oıyndarynyń eki dúrkin chempıony atandy. Hanchjoý-2022 oıyndarynda ol 61 kelige deıingi salmaq dárejesinde jeńiske jetken bolatyn. Sondaı-aq qazaqstandyq sportshynyń qorjynynda Tokıodaǵy Olımpıada-2020 qolasy, álem chempıonattarynyń eki medali jáne Azıa chempıony ataǵynyń úsh tıtýly bar.
Berýlsevanyń altyny Qazaqstan quramasy úshin Azıada-2026 oıyndaryndaǵy tórtinshi medal boldy. Buǵan deıin pedestaldyń eń bıik satysyna veloshabandozdar Rınata Sýltanova men Alekseı Lýsenko, sondaı-aq karatıst Jolaman Bıgabyl kóterilgen edi.