Qyrǵyzstan Syrtqy ister mınıstrligi Soltústik Kıprde pyshaq jaraqatyn alǵan Qazaqstan týmasynyń densaýlyq jaǵdaıy týraly jańa derekterdi usyndy, dep habarlaıdy infohub.kz saıty.
Vedomstvonyń málimetinshe, Soltústik Kıprde jaralanǵan qyrǵyzstandyq qyzdyń jaǵdaıy aýyr kúıinde qalyp otyr. Qyz mezgil-mezgil esin jıyp, dárigerlerdiń turaqty baqylaýynda jatyr. Oǵan jaqyn týysy kelip, emdeý kezinde qasynda júrip qoldaý kórsetýde.
Sondaı-aq, shabýyl jasaǵan adamnyń esin jıǵany habarlandy. Tergeý amaldary jalǵasýda, qazirgi ýaqytta oǵan qatysty bultartpaý sharasyn tańdaý máselesi sheshilýde.
Eske salaıyq, 4 tamyzda Soltústik Kıprde belgisiz bireý ázirge anyqtalmaǵan sebeptermen qyzǵa pyshaqpen shabýyl jasaǵan bolatyn. Oqıǵa saldarynan ekeýi de aýrýhanaǵa jetkizilip, dárigerlerdiń baqylaýynda jatyr. Bastapqyda zardap shekken Qazaqstan azamaty dep habarlanǵan edi, alaıda keıin QR SİM onyń Qazaqstan týmasy bola tura, Qyrǵyz Respýblıkasynyń azamattyǵyn alatynyn naqtylady.