Almaty sotynyń apelásıalyq alqasy «Eır Astana» AQ qarajatyn urlaý jáne zańdastyrý isi boıynsha úkimdi ózgerissiz qaldyrdy. Qorǵaý tarapynyń shaǵymdary qanaǵattandyrylmady, dep habarlaıdy infohub.kz.
Sot málimetinshe, qylmystyq sqemany uıymdastyrýshy toǵyz jylǵa bas bostandyǵynan aıyryldy. Taǵy eki adam 8 jyl 6 aıǵa sottaldy.
«Barlyq sottalǵandarǵa múlikti tárkileý jáne 5 jyl merzimge komersıalyq uıymdarda laýazymdy atqarýǵa tyıym salý jazasy taǵaıyndaldy», — dep málimdedi prokýratýra.
Sot avıakompanıanyń 1 mlrd teńgeden astam somadaǵy talabyn qanaǵattandyrdy. Osy shyǵyndy óteý úshin sottalǵandardyń múlki tárkilenedi.
Buǵan deıin Eır Astana 2026 jyldyń alǵashqy aılarynda London qor bırjasyndaǵy óz baǵaly qaǵazdarynyń saýda úlesi ótken jyldyń sáıkes kezeńimen salystyrǵanda óskenin málimdegen bolatyn. Qazaqstandyq mınorıtarlyq aksıonerler qaýymdastyǵy (QAMS) avıatasymaldaýshy basshylyǵyna saýda kóleminiń tómendigine baılanysty sheteldik lıstıń alańyn aýystyrýdy qarastyrýdy usynǵan edi.