Jeńilisi joq qazaqstandyq boksshy Sultan Zaýrbek kásibı rıngtegi kelesi jekpe-jeginiń kúni belgili bolǵanyn habarlaıdy infohub.kz saıty.
Ekinshi jartylaı jeńil salmaqta óner kórsetetin qazaqstandyq 26 qyrkúıekte avstralıalyq Djekson Inglendpen kezdesedi. Jekpe-jek Avstralıanyń Kvınslend qalasynda ótedi.
Bul jekpe-jekte IBF nusqasy boıynsha álem chempıony ataǵyna mindetti úmitker mártebesi sarapqa salynady. Jeńimpaz qazir meksıkalyq Emanýel Navarrete ıelenip otyrǵan belbeý úshin kúresýge quqyq alady.
Zaýrbek bul jekpe-jekke minsiz rekordpen kelip otyr: 20 jekpe-jekte 20 jeńis, onyń 13-i merziminen buryn aıaqtalǵan. Inglendtiń 19 jeńisi (10 nokaýt) jáne úsh jeńilisi bar.
Bastapqyda kezdesý 27 maýsymǵa josparlanǵan edi, keıin 17 shildege aýystyryldy, biraq qaıta keıinge shegerildi.
Zaýrbek sońǵy jekpe-jegin 2025 jyldyń sáýirinde Astanada ótkizip, ońtústikafrıkalyq Azınga Fýzıleni biraýyzdan sheshimmen jeńgen bolatyn.