Qazaqstandyqtar Aitu messendjeri arqyly ata-babalary men otbasy tarıhy týraly aqparatty saqtaı alady. Bul týraly úkimet otyrysynda málimdeldi, dep habarlaıdy NUR.KZ... saıtyna silteme jasaǵan infohub.kz.
«Biz ulttyq dástúrlerimizdi, tilimizdi jáne ómir saltymyzdy eskeretin ulttyq messendjerler jasap jatyrmyz. Sondyqtan qosymshada ár otbasyna qajetti fýnksıalar qarastyrylady. Búginde Qazaqstanda 800 myńnan astam otbasy bar, olardyń kópshiligi qarym-qatynas jasaý jáne kúndelikti máselelerdi sheshý úshin ártúrli servısterdi paıdalanýǵa májbúr», – dedi BTS Digital ókili Maksat Nurıdenuly.
Spıkerdiń aıtýynsha, Aitu-da fotosýretterdi, mańyzdy oqıǵalardy saqtaýǵa jáne 400 adamǵa deıin qatysatyn ártúrli is-sharalar uıymdastyrýǵa bolady. Sondaı-aq qazaqstandyqtar úshin súıinshi, kórimdik, asar jáne sadaqa sıaqty ulttyq dástúrlerge baılanysty aqsha aýdarymdaryn avtomattandyrý josparlanýda.
«Shejire» jeke baǵyt retinde damıtyn bolady. Paıdalanýshylar ata-babalary men otbasy tarıhy týraly aqparatty yńǵaıly formatta saqtaı alady, – dep atap ótti spıker.
Ol qazaq tilin damytý úshin qazaq jáne orys tilderi arasynda avtomatty aýdarma fýnksıasy qoljetimdi bolatynyn qosty.