Tarazdaǵy túzetý mekemesindegi kolejden 25,5 mln teńge jymqyrylǵan – tergeý júrip jatyr
Jambyl oblysyndaǵy «Túzetý mekemesi janyndaǵy №15 kolej» basshylyǵy oqýǵa qatyspaǵan sottalǵandar úshin zańsyz qarjylandyrý alyp, memleket qarjysyn jymqyrǵan. Bul týraly óńirlik prokýratýra málim etti.
Prokýratýranyń dereginshe, kolejge tehnıkalyq jáne kásiptik bilim mamandaryn daıarlaýǵa bólingen 25,5 mıllıon teńge negizsiz ıemdenilgen. Jalǵan málimetter arqyly úsh jyl boıy is júzinde sabaqqa qatyspaǵan sottalǵandar oqý josparyna engizilip otyrǵan.
2025 jylǵy 5 aqpanda atalǵan fakti boıynsha Qylmystyq kodekstiń 189-baby 4-bóligi 2-tarmaǵy (senip tapsyrylǵan bóten múlikti ıemdenip alý nemese talan-tarajǵa salý) boıynsha sotqa deıingi tergeý bastaldy.
Tergeýdi Jambyl oblysy boıynsha Ekonomıkalyq tergep-tekserý departamenti júrgizip jatyr. Qazirgi ýaqytta tergeý amaldary jalǵasýda. Tergeý múddesine baılanysty ózge málimetter ázirge jarıa etilmeıdi.
You Might Also Like
-
Toqaev pen Orban Astana men Býdapesht arasyndaǵy strategıalyq áriptestikti tereńdetýge kelisti
-
Sherzat Polattyń ólimine baılanysty sot otyrysynda jábirlenýshi taraptyń advokaty Meıirman Shekeev marqumnyń jaqyndaryna tólenýi tıis moraldyq jáne materıaldyq ótemaqy mólsherin jarıa etti. Bul týraly...
