Túrki halyqtarynyń birtutas ejelgi senimi retindegi táńirshildik týraly túsinik tarıhı derektermen onsha dáıektelmegen. Bul týraly qazaqstandyq ǵalym Jaqsylyq Sábıtov málimdedi, dep habarlaıdy infohub.kz saıty.
Zertteýshiniń aıtýynsha, kóshpendilerdiń ózderi ortaǵasyrlyq derekkózderde táńirshildik týraly sıpattama qaldyrmaǵan. Bul senimniń olardyń kúndelikti ómirinde qandaı mánge ıe bolǵany áli kúnge deıin belgisiz. Naqty málimetterdiń jetispeýinen ǵalymdar kóptegen dástúrlerdiń shyǵý tegi týraly tek boljam jasaýǵa májbúr.
«Bul — kózi baılanǵan eki adam pilge jaqyndaǵanyndaı: bireýi tumsyǵyn, ekinshisi quıryǵyn ustap, sonyń negizinde búkil janýardyń beınesin salady. Iaǵnı zertteýshiler pildi durys beıneleı almady, táńirshildikti zerttemedi», — dedi Sábıtov.
Tarıhshy munyń basty sebepteri retinde úlken derekkóz bazasynyń jáne kanondyq dinı mátinderdiń joqtyǵyn ataıdy: qoljazba úzindilerinen naqty kórinisti qalpyna keltirý múmkin emes.
Sonymen qatar Jaqsylyq Sábıtov táńirshildiktiń túrki qaǵanattary dáýirinde shynymen bolǵanyn joqqa shyǵarmaıdy.
«Túrki qaǵanattary qulaǵannan keıin uıǵyrlarda manıheılik jeńiske jetkenin, al XI ǵasyrdyń basynda basqa dinder taralǵanyn kóremiz — naımandar men kereılerge nestorıandyq keldi. Iaǵnı onda kim bolmady deseńiz de bolady», — dep qosty sarapshy.
Jalpy, tarıhshynyń aıtýynsha, VIII–XII ǵasyrlardaǵy arab geografıalyq ádebıetinde dinderdiń alýan túrliligin baıqaýǵa bolady. Onyń ústine, keıbireýin túsindirý nemese birtutas táńirshildikke saıý óte qıyn.
Buǵan deıin «Kýrsıv» sultan Beıbarys qazaq emes, qyrym qypshaǵy bolýy múmkin dep jazǵan.