Jambyl oblysy Sarykemer aýylynyń 19 jasar eki turǵyny TikTok-ta donat úshin tóbeleskeni úshin jazalandy: qyzǵa 30 saǵat qoǵamdyq jumys, jigitke 86 myń teńge aıyppul kesildi, dep habarlaıdy infohub.kz.
Baızaq aýdandyq sotynyń málimetinshe, 2026 jyldyń shildesinde qyz ben jigit úıden tikeleı efır júrgizgen. Donat pen kórermen tartý úshin olar bir-birine qasaqana dene jaraqatyn salyp, birneshe ret ádepsiz sózder aıtqan.
«TikTok-ta tikeleı efırde donat alý jáne aýdıtorıany tartý úshin olar bir-birine qasaqana zıan keltirip, ádepsiz sózder qoldandy», — dep málimdedi sot.
Qatysýshylardyń kinásin ákimshilik hattamalar, áleýmettik jelilerdi monıtorıńileý materıaldary, olardyń túsiniktemeleri jáne efırdiń beınejazbasy rastady. Qyz kinásin tolyq moıyndap, ókinip, materıaldyq jaǵdaıy aýyr bolǵandyqtan qoǵamdyq jumys taǵaıyndaýdy surady. Sot bul mán-jaılardy eskerip, oǵan 30 saǵat qoǵamdyq jumys belgiledi. Jigit te kinásin moıyndap, aıyppul salýdy ótindi — sot oǵan 86 myń teńge aıyppul kesti.
Ekeýi de ÁQBK-niń 434-baby 1-bóligi boıynsha usaq buzaqylyq jasaǵany úshin kináli dep tanyldy. Sot qaýlylary ázirge zańdy kúshine engen joq.