Apple bas dırektory Tım Kýk qyzmetinen ketetinin jarıalap, kompanıa ónimderin paıdalanýshylarǵa X áleýmettik jelisinde úndeý jasady. Qoshtasý jazbasynda ol: «CEO retindegi sońǵy kúnimde Apple qaýymdastyǵyna mahabbat teńizin jiberemin. Erteń meniń laýazymym ózgeredi, biraq Apple qaýymdastyǵyna degen súıispenshiligim eshqashan ózgermeıdi. Sizderge únemi shabyt kózi bolǵandaryńyz úshin rahmet. Alǵysym sheksiz, men kelesi taraýdy asyǵa kútemin!» — dep jazdy, dep habarlaıdy infohub.kz.
Eske salaıyq, búgin Tım Kýktyń 15 jyl boıy atqarǵan Apple bas dırektory qyzmetinen ketetini belgili boldy. Ókilettikter resmı túrde kompanıanyń ardageri Djon Ternýsqa tapsyryldy. Kýk bul qyzmette 2011 jyldyń 24 tamyzynda Stıv Djobsty aýystyrdy, ol aýrýyna baılanysty otstavkaǵa ketken edi.
Aıta keteıik, jańa bas dırektordyń jaqyn arada taǵaıyndalatyny bıylǵy jyldyń sáýirinde belgili bolǵan. Keıinirek Apple-degi kadrlyq ózgeristerdiń sebepteri týraly aqparat paıda boldy.
Sonymen qatar, Apple paıdalanýshylary jańa iPhone prezentasıasyn kútýde — kompanıa jańa ónimderin kelesi aptada, 9 qyrkúıekte tanystyrýdy josparlap otyr.