Qyzylorda oblysynda náresteniń ómirin saqtap qalý úshin Tótenshe jaǵdaılar mınıstrliginiń ushaǵy jedel kókke kóterildi. Bul týraly 112 qazaqstandyq qutqarý qyzmeti habarlady, dep jazady infohub.kz saıty.
Jańaqorǵannan kelgen náreste oblys ortalyǵyndaǵy aýrýhanaǵa jedel jetkizildi. Balany shuǵyl tasymaldaý sebebi jarıalanbaıdy. Degenmen, ushý sátti aıaqtalǵany jáne qazirgi ýaqytta bala dárigerlerdiń baqylaýynda ekeni belgili.
Sanıtarlyq reıske «Qazavıaspas» tikushaǵy jumyldyrylǵany atap ótildi. Jol boıy náresteniń jaǵdaıyn medısına qyzmetkerleri qadaǵalap otyrdy.
Densaýlyq saqtaý mınıstrliginiń derekterine sáıkes, 2026 jyldyń alǵashqy segiz aıynda ǵana qazaqstandyq sanıtarlyq avıasıa bir jarym myńǵa jýyq reıs jasady. Osy kezeńde arnaıy ushaqtar 1 543 aýyr naýqasty beıindi aýrýhanalarǵa jedel jetkizdi, al 4 703 jaǵdaıda dárigerler qashyqtan kómek kórsetti. Ortasha eseppen jylyna áýe jedel járdemi eki myńǵa jýyq ushý jasaıtyny atap ótildi.
Eske salaıyq, byltyr sanavıasıa 9 sheteldik reıs jasap, naýqastardy Túrkıa, Germanıa, Ońtústik Koreıa, Vetnam, Qyrǵyzstan jáne Mysyrdan evakýasıalady.
Aǵymdaǵy jyldyń alǵashqy segiz aıynda mundaı ushýlar sany dál sondaı boldy — aýyr naýqastar Albanıa, Italıa, Túrkıa, Qytaı, Taıland, Reseı jáne Ózbekstannan ákelindi. Osy kúrdeli baǵyttardy uıymdastyrýmen Shuǵyl medısınanyń ulttyq úılestirý ortalyǵy aınalysady.