Qytaıdyń Sındao portynda jóndeýde turǵan Ocean Melody júk kemesinde órt shyqty. Apat saldarynan 25 adam qaza tapty, dep habarlaıdy Associated Press Qytaıdyń memlekettik BAQ-taryna silteme jasap, infohub.kz saıtyna.
Keme Qytaıdyń shyǵysynda ornalasqan Sındao portyndaǵy Beihai Shipbuilding Co. kásipornynda jóndelip jatqan. AP málimetinshe, Ocean Melody Lıberıa týymen júzedi.
Bortta barlyǵy 42 adam bolǵan. Olardyń on ekisin qutqaryp úlgerdi, taǵy beseýi jaraqat alyp, aýrýhanaǵa jetkizildi. Olardyń jaǵdaıy turaqty dep baǵalanyp otyr.
Órt jergilikti ýaqytpen shamamen saǵat 11:00-de bastalyp, 14:30 shamasynda sóndirildi. Jelide taraǵan kadrlarda jumysshylardyń tótenshe qyzmetter kelgenge deıin órtti óz betinshe aýyzdyqtaýǵa tyrysqany kórinedi.
QHR Tóraǵasy Sı Szınpın apattyq-qutqarý jumystaryn shuǵyl uıymdastyrýǵa jáne iri apattardyń aldyn alý sharalaryn qoldanýǵa buıryq berdi. Memlekettik keńes premeri Lı Sán da kemede qamalyp qalýy múmkin adamdardy qutqarýdy tapsyrdy.
Beihai Shipbuilding memlekettik China State Shipbuilding Corporation quramyna kiredi — bul álemdegi eń iri keme jasaý korporasıasy. Kompanıa kemelerdi salýmen jáne jóndeýmen aınalysady.
Buǵan deıin «Kýrsıv» Qytaıdyń ońtústik-shyǵysyndaǵy Szánsı provınsıasynda «Saýdel» taıfýnynan týǵan nóser jańbyrdan paıda bolǵan kóshkin bir adamnyń ómirin qıyp, taǵy 11 adam iz-túzsiz joǵalǵanyn jazǵan. Apat 12 turǵyn úıdi zaqymdady.
Daýyl Fýszán provınsıasyna da áser etip, qaýipti aımaqtardan shamamen 600 myń adam kóshirildi, al bóget buzylyp, sý tasqynynan keıin 100-den astam úı qırady.