Qazaqstannyń birneshe óńirinde túngi ýaqytta eresekterdiń ertip júrýinsiz júrgen kámeletke tolmaǵandardy anyqtaý boıynsha nysanaly tekserýler ótti, dep habarlaıdy infohub.kz saıty.
İshki ister mınıstrliginiń medıaportalynyń málimetinshe, Astana, Shymkent jáne Abaı oblysy aýmaǵynda eki kún boıy polıseıler jasóspirimder tarapynan da, olarǵa qatysty da quqyqqa qarsy áreketterdiń aldyn alý maqsatynda túngi reıdter júrgizdi.
«Negizgi nazar túngi ýaqytta eresekterdiń ertip júrýinsiz júrgen balalardy anyqtaýǵa aýdaryldy. Túngi ýaqytta balalardyń ornalasqan jerin baqylaýdy qamtamasyz etpegen 480-den astam ata-ana jaýapkershilikke tartyldy», — dedi vedomstvoda.
İs-sharanyń taǵy bir mańyzdy maqsaty — kámeletke tolmaǵandarǵa аlkogól jáne temeki ónimderin satý faktileriniń aldyn alý. Osy buzýshylyq úshin 28 kásipker jaýapkershilikke tartyldy.
İİM polısıa balalardyń quqyqtaryn qorǵaý boıynsha turaqty nysanaly jumystardy jalǵastyryp, barlyq qajetti sharalardy qabyldaıtynyn jetkizdi.