2026 jyldyń tamyzynda Qazaqstanda turǵyn úı satyp alý-satý boıynsha 35 807 mámile tirkeldi. Bul shilde aıymen salystyrǵanda 3,6%-ǵa az. Bul týraly infohub.kz saıty Ulttyq statısıka búrosyna silteme jasap habarlaıdy.
Mámile sany boıynsha kósh bastaǵan Almaty — 7 690 mámile, jalpy kólemniń 21,5%-y. Ekinshi orynda Astana — 6 398 mámile (17,9%), úshinshi orynda Qaraǵandy oblysy — 2 825 mámile (7,9%).
Eń az mámile Ulytaý oblysynda tirkeldi — 277.
Páterler úılerge qaraǵanda jıi satylady. Tamyzda páterler boıynsha mámile sany 27 719 boldy — bir aı burynǵydan 3%-ǵa az. Bul turǵyn úımen jasalǵan barlyq mámileniń 77,4%-yn qurady.
Mundaı satylymnyń negizgi úlesi Almaty (26%), Astana (22,6%) jáne Qaraǵandy oblysyna (8,4%) tıesili boldy. Eń suranysqa ıe bolǵany bir bólmeli páterler — 10 806 mámile.
Jeke úıler boıynsha mámile sany bir aıda 5,8%-ǵa azaıyp, 8 088-ge jetti. Al Qyzylorda oblysynda (+7,8%), Qaraǵandy oblysynda (+6,3%) jáne Jetisý oblysynda (+2,7%) ósim tirkeldi.
Bir jylda satylym 13,5%-ǵa tómendedi: 2025 jyldyń tamyzymen salystyrǵanda turǵyn úı mámileleriniń sany 41 380-nen 35 807-ge qysqardy.
Bir jyldaǵy eń úlken ósim Túrkistan oblysynda tirkeldi — 9,8%. Eń aıtarlyqtaı tómendeý Astanada boldy — 32,3%.
2026 jyldyń qańtar–tamyz aılarynda turǵyn úı mámileleriniń sany 2025 jyldyń osy kezeńimen salystyrǵanda 4,3%-ǵa az boldy.
Buǵan deıin Kýrsıv Qazaqstanda turǵyn úı satylymy tómendegenin habarlaǵan edi.