Tıin bir butaqtan bir butaqqa sekirip júrgende aǵashtyń túbinde uıyqtap jatqan qasqyrdyń ústine qulady. Qasqyr qarǵyp túre kelip, tıindi ustap alyp, seni jeımin, deıdi. Tıin ótinip suraı bastaıdy: meni bir jolǵa jiber, dep. Qasqyr aıtty: jaraıdy, jaqsy, jibereıin dep, biraq sen áýeli maǵan aıt, nelikten sender munsha shatsyńdar? Men árýaqytta qapadamyn. Senderge qarasam, aǵashtyń basynda sekiresińder de júresińder. Tıin aıtty: áýeli sen meni aǵashtyń basyna jiber. Men sol aradan aıtaıyn, bolmasa senen qorqam dep. Qasqyr tıindi jiberdi. Tıin aǵashtyń basyna shyǵyp alyp aıtty: sen zalymsyń, sonyń úshin qapadasyń, seniń zalymdyǵyń júregińdi jandyrady: biz aq kóńilmiz: sonyń úshin biz shatpyz. Eshkimge jaýyzdyq qylmaımyz, dedi.