Syr boıynda Ultanqul degen qaljyńbas jigit bolypty. Jolaýshylap kele jatyp ózi de, aty da kelisti bir jigitke kezdesedi. Sálemdesip, jón surassa, jigittiń esimi Shulǵaýbaı eken. Ekeýi qurdas bop shyǵypty.
— Mingen atyń men kelisti kelbetińe Shulǵaýbaı degen esimiń jaraspaıdy-aq eken, — dep qaljyńdapty.
Shulǵaýbaı oǵan ashýlanbastan jaýap beripti:
— Qurbym, Ultanqul-aý, seniń bul aıtqanyń «jyrtyq tesikke kúlediniń» keri ǵoı. Shulǵaý ultannyń ústinde turmaı ma? Tabannyń astynda jatqan ultandy da esim dep júrgender bar ǵoı.
Ultanqul uıalǵanynan Shulǵaýbaıǵa tobylǵy sapty qamshysyn syılapty.