InfoHub Logo

Aqyn Balǵynbek Imashev uly Danıar Imashevtyń atyna baılanysty týǵan daýǵa qatysty alǵash ret pikir bildirdi. Aıtýynsha, qajylyq saparyna barmaq bolyp aldanyp qalǵan azamattardyń qarajaty qaıtarylyp jatyr, dep habarlady Nege.kz.

Almatyda belgili aıtyskerdiń ulyna qatysty "alaıaqtyq" baby boıynsha tergeý bastalǵany buǵan deıin belgili bolǵan edi. Danıar Imashev bıyl qańtardan bastap atqarýshy dırektor retinde qyzmet atqarǵan kompanıanyń jumysyna baılanysty 50-ge jýyq adam shaǵym túsirgen. Olar qasıetti saparǵa barý úshin qarajat tólep, aqyry dittegen jerge jete almaı qalǵan.

Balǵynbek Imashev bul jaǵdaıdyń mán-jaıyn ózi túsindirip berdi:

> "Ulym – bul kompanıaǵa jaldamaly qyzmetker retinde qańtar aıynda ǵana kelgen. Iaǵnı, bar bolǵany úsh aıdan beri sol orynda jumys istep keledi. Ol qarjylyq máselelerge jaýapty emes. Alaıda qoǵamda «Balǵynbektiń balasy» degen jeleýmen dúrligý bastalyp ketti. Iá, tájirıbesizdigi bar shyǵar, qatelik te ketken bolar. Biraq bul – ony qasaqana alaıaq qyldy degen sóz emes. Ulymdy ǵana emes, meni de túrli aıyptaýlarmen qaralap jatqandar bar", — dedi ol ashyna.

Aqynnyń aıtýynsha, shaǵymdanýshylar aldymen áleýmettik jeli arqyly máseleni kóterip, tek sodan keıin quqyq qorǵaý organdaryna júgingen. Al qazirgi tańda kompanıa qajylyqqa bara almaǵan azamattardyń qarajatyn qaıtarý jumystaryn qolǵa alǵan.