Almatynyń «Qaıratynyń» bas bapkeri Rafael Ýrazbahtın Qazaqstan Premer-lıgasynyń 27-týrynda «Astanadan» jeńilgen soń óte qysqa jaýap berdi, dep habarlaıdy infohub.kz saıty.
«Kóp sóılemeımin. Bir sóz aıtyp, ketemin. „Shapıto“. Raqmet», — dedi Ýrazbahtın oıynnan keıingi baspasóz máslıhatynda.
Almatylyqtardyń bapkeri tóreshiler brıgadasynyń jumysyna narazy bolǵan sıaqty. Kezdesýdiń sheshýshi epızodtarynyń biri — «Qaırat» jartylaı qorǵaýshysy Ádilet Sadybekovtiń 11-mınýtta alańnan qýylýy.
Sadybekov óz aıyp alańynyń mańynda Stanıslav Basmanovqa qatysty ereje buzdy. Bas tóreshi Denıs Teváshov áýelde oıynshyǵa sary qaǵaz kórsetti, alaıda VAR-dy qaraǵan soń sheshimin ózgertip, fýtbolshyny alańnan qýdy. Úsh mınýttan keıin «Astana» sandyq basymdylyǵyn paıdalandy — Ramazan Karımov Karlo Bartolestiń pasyn baspen toǵystyrdy. Bul dop oıyndaǵy jalǵyz gol bolyp qaldy.
Qazaqstannyń qazirgi chempıony úshin bul jeńilis qatarynan ekinshisi — buǵan deıin almatylyqtar óz alańynda «Tobylǵa» 1:4 esebimen jol bergen edi.
27-týr oıyndarynan keıin «Ordabasy» 61 upaımen QPL kestesinde kósh bastap tur. Ekinshi oryndaǵy «Qaırattyń» enshisinde — 57 upaı. «Astana» 48 upaımen úshinshi satyda ornalasqan.