Qyrǵyzstandyq sportshy Valentına Shevchenko aýyr jaraqatyna baılanysty UFC chempıondyq belbeýin ýaqytsha tastady. Bul týraly infohub.kz saıty habarlaıdy.
Boksshynyń jattyqtyrýshysy Pavel Fedotov «Ýshataıka» Telegram-arnasyna bergen suhbatynda sportshynyń densaýlyǵy týraly aıtty. Aldyńǵy kúni 38 jastaǵy Shevchenkonyń brazılıalyq Natalá Sılvamen 3 qazanda ótetin jekpe-jeginen bas tartqany belgili boldy. Sebep — ıyq pen arqa baılamdarynyń jaraqaty. Onyń ornyna Sılva sol týrnırde bos tıtýl úshin qytaılyq Van Kongpen kezdesedi.
«Sılvamen jekpe-jek ótkizýimiz kerek edi. Biraq ıyq pen arqa baılamdarynyń jaraqatyna baılanysty asyqpaı, jekpe-jekti keıinge qaldyrýdy jón kórdik. Baılamdardyń tolyq jazylýyna segiz aıǵa deıin ýaqyt qajet deıdi. Qalpyna kelý uzaqqa sozylatyndyqtan, belbeýdi ýaqytsha qaldyryp, qalpyna kelgennen keıin qaıtarýdy jón kórdik», — dedi Fedotov.
Shevchenko salmaq dárejesine qaramastan UFC áıelder reıtıńiniń kóshbasshysy. Kásibı aralas jekpe-jekte qyrǵyzstandyq sportshy 26 jeńiske jetip, tórt ret jeńilgen jáne bir ret teń túsken.