Japonıa qabyldap otyrǵan 2026 jylǵy jazǵy Azıa oıyndarynda Qazaqstan boks quramasy taǵy bir shyǵynǵa ushyrady: Vıktorıa Grafeeva 60 kelige deıingi salmaq dárejesindegi ónerin aıaqtady, dep habarlaıdy infohub.kz saıty.
1/8 fınalda qazaqstandyq sportshy Qytaı Taıbeıinen kelgen Lın Iýıtınmen judyryqtasty. Qarsylasy — Parıj-2024 Olımpıadasynyń chempıony ári Hanchjoýdaǵy Azıada-2022 jeńimpazy. Ekeýi úshin de bul qazirgi jarystaǵy alǵashqy jekpe-jek boldy.
Tartys úsh raýndqa sozyldy. Alǵashqy eki raýndta tóreshilerdiń kóbi Iýıtınge basymdyq berdi, alaıda ekinshi raýndta odan bir upaı aıyppul túrinde alyndy. Úshinshi raýndta basymdyq Grafeeva jaǵynda boldy.
Jalpy esepte qazaqstandyq eki tóreshiniń kartochkasynda basym tústi. Taǵy úsh tóreshide alynǵan upaıdy eskergende teńdik bolǵanymen, olardyń árqaısysy Iýıtın jaǵynda boldy. Osylaısha, Qytaı Taıbeıiniń ókili tóreshilerdiń bólek sheshimimen 3:2 esebimen jeńiske jetip, shırek fınalǵa shyqty.
Al Grafeeva Azıada-2026-daǵy ónerin aıaqtady. Bul — Nazym Qyzaıbaıdan (54 kelige deıin) keıingi áıelder boks quramasyndaǵy ekinshi shyǵyn. Erler komandasynda jarystan Sabyrjan Aqqalyqov (80 kelige deıin) pen Orazbek Asylqulov (60 kelige deıin) da shyǵyp qalǵan.