Kabo-Verde quramasynyń qaqpashysy Vozıná Ballon d'Or nusqasy boıynsha jyldyń úzdik qaqpashysy ataǵyna úmitkerler qataryna endi. 40 jastaǵy fýtbolshy 2026 jylǵy álem chempıonatynyń basty juldyzdarynyń birine aınaldy, dep habarlaıdy infohub.kz.
Syılyqty uıymdastyrýshylar nomınanttar tizimin jarıalady. Vozınámen birge Lev Iashın atyndaǵy júldege Iassın Býný («Ál-Hılal»), Tıbo Kýrtýa («Real»), Joan Garsıa («Barselona»), Gregor Kobel («Borýssıa» Dortmýnd), Emılıano Martınes («Aston Vılla»/«Chelsı»), Edýar Mendı («Ál-Ahlı»), Davıd Raııa («Arsenal»), Matveı Safonov («PSJ») jáne Ýnaı Sımon («Atletık») talasady.
Esepke alynǵan kezeńde Vozıná 30 mach ótkizip, 35 gol jiberip aldy jáne 13 ret qaqpasyn qulyptaýly kúıde saqtady. Maýsym barysynda ol portýgalıalyq «Shavesh» sapynda óner kórsetti, al álem chempıonatynan keıin chılılik «Kolo-Koloǵa» aýysty.
Vozıná ÁCH-2026-nyń basty keıipkerleriniń birine aınaldy. Álem chempıonattaryndaǵy debúttik machta Kabo-Verde quramasy Ispanıamen 0:0 esebimen teń oınap, sensasıa jasady, al Vozıná jeti seıv jasap, kezdesýdiń úzdik oıynshysy dep tanyldy. Sol kezde qaqpashyǵa 40 jas tolǵan edi.
Kabo-Verde aqyr sońynda pleı-offqa joldama aldy. 1/16 fınalda komanda Argentınaǵa qarsy kúsh synap, tek qosymsha ýaqytta 2:3 esebimen ese jiberdi. Vozıná taǵy da kezdesýdiń negizgi tulǵalarynyń biri bolyp, segiz seıv jasady. Álem chempıonatynyń qorytyndysy boıynsha jankúıerler ony týrnırdiń sımvolıkalyq quramasyna qosty.
Qaqpashynyń tolyq aty-jóni – Jozımar Joze Evora Dıash. ÁCH-2026-ǵa deıin ol karerasynyń basym bóligin iri eýropalyq chempıonattardan alys ótkizdi, alaıda álem birinshiligindegi óneri oǵan halyqaralyq ataq ákeldi.
Jyldyń úzdik qaqpashysy ataǵynyń ıegeri 26 qazanda Londonda ótetin Ballon d'Or rásiminde jarıalanady. 2025 jyly bul júldeni ıtalıalyq Djanlýıdjı Donnarýmma alǵan edi.