Reseı Premer-lıgasynyń (RPL) altynshy týrynda Sankt-Peterbýrgtiń «Zenıti» qonaqta Voronejdiń «Fakelin» 1:0 esebimen jeńdi, dep habarlaıdy infohub.kz.
«Fakel» stadıonynda ótken kezdesý qonaqtardyń jeńisimen aıaqtaldy. Ekinshi taımǵa qosylǵan úshinshi mınýtta penaltıden soǵylǵan gol sheshýshi boldy. Dál osy soqqyny reseılik shabýylshy Aleksandr Sobolev oryndady.
Aıta ketý kerek, «Zenıt» azshylyqta oınap, jeńiske jetti: 85-mınýtta qorǵaýshy Igor Dıveev tikeleı qyzyl qaǵaz aldy.
Qazaqstandyq qorǵaýshy Nuraly Álip peterbýrgtikterdiń negizgi quramynda alańǵa shyǵyp, barlyq 90 mınýtty ótkizdi. Oıyn barysynda ol 73 pas berdi, onyń 59-y dál boldy.
Osy jeńistiń arqasynda «Zenıt» 12 upaı jınap, týrnır kestesinde ekinshi orynǵa kóterildi, alaıda týr qorytyndysy boıynsha tómendeýi múmkin. Máskeýdiń «Spartak» jáne SSKA klýbtarynda da dál sonsha upaı bar. «Krasnodar» maksımaldy 18 upaımen kósh bastap tur. «Fakel» eki upaımen sońǵy, 16-orynda.