Reseı Kýbogynyń toptyq kezeńiniń ekinshi týrynda Sankt-Peterbýrgtiń «Zenıti» qonaqta samaralyq «Krylá Sovetovty» penaltı serıasynda jeńdi, dep habarlaıdy infohub.kz saıty.
RPL jolynyń S tobyndaǵy kezdesý «SolıdarnostSamara Arenada» ótti. Negizgi ýaqyt golsyz aıaqtaldy — 0:0.
Reglament boıynsha teń nátıje bolǵandyqtan, birden penaltı serıasy taǵaıyndaldy. Onda qonaqtardyń qaqpashysy Bogdan Moskvıchev alań ıeleriniń bir soqqysyn qaıtardy, bul «Zenıtke» serıada 5:3 esebimen jeńiske jetýge múmkindik berdi.
Qazaqstan quramasynyń qorǵaýshysy Nuraly Álip peterbýrgtikterdiń negizgi quramynda alańǵa shyǵyp, búkil machty oınady, machtan keıingi soqqylarǵa qatyspady.
Qazaqstan quramasynyń vıngeri Islam Chesnokov «Krylá Sovetovtyń» ótinimine enbedi. Aldyńǵy kúni onyń qostanaılyq «Tobyldan» jalǵa aýysqany jarıalanǵan bolatyn.
Penaltı serıasyndaǵy jeńistiń arqasynda «Zenıt» eki týrdan keıin bes upaı jınap, top kestesin bastap tur. «Krylá Sovetov» tórt upaımen ekinshi orynda. Sondaı-aq S tobynda mahachqalalyq «Dınamo» men kalınıngradtyq «Baltıka» óner kórsetýde.