Qazaqstandyq boksshy Jánibek Álimhanuly domınıkanıalyq Karlos Adamestiń shaqyrtýyna mysqylmen jaýap berip, Instagram paraqshasynda pikir jarıalady, dep habarlaıdy infohub.kz saıty.
Birneshe kún buryn WBC nusqasy boıynsha álem chempıony Karlos Adames X áleýmettik jelisinde Álimhanulyǵa joldaý jarıalap, qazaqstandyq sportshynyń akkaýntyn belgilegen edi. «Eı, sen tazasyń ba? Qazir judyryqtasýǵa daıynsyń ba? Kettik!» — delingen Adamestiń jazbasynda.
Jaýap ta kóp kúttirmedi: Álimhanuly jeke Instagram paraqshasynda domınıkanıalyqty stories arqyly kelemejdedi.
«Keshe kóńilim kóterilip kúldim. Myna Adames meni jekpe-jekke shaqyrypty. Jaqsy molda taýyp, oǵan duǵa oqytýǵa jiberý kerek edi. Jigitti tipti aıaısyń! Shyǵýdy usynsam — qashady. Al qashqanda: kel, judyryqtasaıyq, deıdi. Men ony túsinbedim. Kúlkiden tipti jaýap ta bere almadym», — dep jazdy Álimhanuly.