Japonıanyń Tıba prefektýrasynda rekordtyq jańbyr saldarynan tórt adam qaza taýyp, ondaǵan ǵımarat sý astynda qaldy, taǵy bir turǵyn habar-osharsyz ketti, dep habarlaıdy infohub.kz.
Tokıodan shyǵysqa qaraı ornalasqan Tıba prefektýrasyna 13 tamyz keshke qatty jańbyr jaýdy. Japonıanyń memlekettik teleradıokompanıasy NHK derekterine sáıkes, birneshe aýdanda jaýyn-shashynnyń rekordtyq mólsheri tirkeldi.
Stıhıa saldarynan prefektýrada ondaǵan ǵımarat sý astynda qaldy, bir adam habar-osharsyz ketti. Itıkava qalasynda birneshe kólik sý basqan joldarda turyp qaldy, al Tıbada qoǵamdyq kólik jumysyn toqtatty.
Habarlamada aıtylǵandaı, prefektýranyń ortalyǵy Tıba qalasynda 12 saǵat ishinde 348 mıllımetr jaýyn-shashyn túsken, bul baqylaý tarıhyndaǵy eń joǵary kórsetkish jáne tamyz aıyndaǵy ortasha aılyq normadan shamamen úsh ese artyq.
Juma tańerteń Japonıanyń meteorologıalyq basqarmasy jańbyr men kóshkin qaýpi týraly eskertý deńgeıin maksımaldy besinshiden tórtinshige jáne ártúrli mýnısıpalıtetterde odan tómenge túsirdi.