Jetisý oblysy Aqsý aýdanynda tirkelgen ań myltyǵynyń urlyǵy ashyldy: jergilikti turǵynnyń úıinen «Vepr-KM VPO-136» myltyǵy urlanǵan, al kúdikti — Sarqan aýdanynyń 18 jastaǵy turǵyny — ýaqytsha ustaý ızolátoryna qamaldy, dep habarlaıdy infohub.kz saıty.
Oblystyq polısıa departamentiniń Instagram-daǵy resmı paraqshasynda habarlanǵandaı, Aqsý aýdanynda polıseıler tirkelgen ań myltyǵynyń urlyǵyn ashty.
Anyqtalǵandaı, jergilikti turǵynnyń úıinen «Vepr-KM VPO-136» ań myltyǵy urlanǵan.
Jedel-izdestirý is-sharalary barysynda polıseıler urlyqqa Sarqan aýdanynyń 18 jastaǵy turǵynynyń qatysy baryn anyqtady. Ol buryn jábirlenýshige jumys istep, oǵan at minýdi úıretken.
«Anyqtalǵandaı, qojaıynnyń úıde joqtyǵyn paıdalanyp, jas jigit úıge kirip, seıftiń artynan myltyqty taýyp alǵan. Sodan keıin ol qarýdy urlap, óz úıine alyp ketken», — dedi Jetisý oblysy polısıa departamentinde.
Jedel is-sharalar nátıjesinde polıseıler urlanǵan myltyqtyń ornalasqan jerin anyqtady. Qarý tabylyp, zattaı dáleldeme retinde alyndy.
Sonymen qatar azamattyq qarýdy saqtaý jáne aınalym erejelerin buzǵany úshin myltyq ıesi ákimshilik jaýapkershilikke tartyldy.
Kúdikti ýaqytsha ustaý ızolátoryna qamaldy. Oqıǵa boıynsha tergeý júrgizilýde.