Dúısenbi tańerteń Qytaıdyń ońtústik-batysyndaǵy Sychýan provınsıasynda 4,7 baldyq jer silkinisi tirkeldi, dep habarlaıdy infohub.kz.
Qytaı seısmologıalyq jeliler ortalyǵynyń (CENC) dereginshe, jer silkinisiniń epısentri Ibın qalasynyń Channın ýezinde ornalasqan. Epısentrdiń koordınattary — soltústik endiktiń 28,33 gradýsy jáne shyǵys boılyqtyń 104,98 gradýsy, oshaǵy 5 shaqyrym tereńdikte jatqan.
Jer asty dúmpýleri Beıjiń ýaqytymen 08:26-da tirkeldi. Áleýmettik jelilerde jer silkinisi kezinde beınebaqylaý kameralary túsirgen vıdeolar paıda boldy, onda ǵımarattar men zattardyń shaıqalǵany kórinedi.
Yqtımal qıraýlar men zardap shekkender týraly aqparat ázirge túsken joq.