InfoHub Logo

Ақтөбеде өткен концертте Қазақстанның Халық әртісі Мақпал Жүнісованың ерекше бір әрекеті көрермендерді таң қалдырды. Сахнаға шыққан 90 жастағы ақсақалға әншінің көрсеткен құрметі көпшіліктің ыстық ықыласына бөленді.

Бұл туралы Infohub.kz ақпарат агенттігі хабарлайды.

Концерттегі тағылымды сәт

Концертке келген бір тыңдарман әншіге анасының сол күні 90 жасқа толғанын айтып, құттықтауды өтінген. Мақпал Жүнісова бұл жаңалықты естіп, дереу сахнаға шығып, егде жастағы көрерменді құттықтады. Әншінің бұл әрекеті көрермендер қауымының қошеметіне бөленіп, зал гүлдей жайнап қошемтелді.

100 мың теңге және анаға құрмет

Әнші тек құттықтап қана қоймай, 90 жасқа толған анаға 100 мың теңге көлемінде ақшалай сыйлық табыстады. Мақпал Жүнісова өз анасының да биыл 90 жасқа толатынын айтып, ерекше бір жылылық сезімін білдірді. Бұл әрекет әншінің мейірімділігі мен кеңпейілділігін көрсетті.

Желідегі жылы лебіздер

Әлеуметтік желіде тараған бұл видео көпшіліктің жүрегін жылытты. Желі қолданушылары Мақпал Жүнісованың ақжарқын мінезі мен елге деген құрметіне ризашылықтарын білдіріп, жағымды пікірлер қалдырды.

Бұған дейінгі тартуы

Бұл – Мақпал Жүнісованың көрермендерге көрсеткен алғашқы ерекше сыйлығы емес. Бұған дейін Астанада өткен концертінде әнші 80 жастан асқан көрерменіне өз сақинасын сыйға тартқан болатын.

Мақпал Жүнісова туралы

Мақпал Жүнісова – қазақ эстрадасының көрнекті тұлғаларының бірі. Ол 1963 жылы Қарағанды облысы, Қарқаралы ауданында дүниеге келген. 1981 жылдан бері «Қазақконцерт» бірлестігінде өнер көрсетіп келеді. Жас кезінен халықаралық байқауларда топ жарып, 22 жасында Қазақстанның еңбек сіңірген әртісі, 31 жасында Халық әртісі атағын иеленген. Қазіргі таңда ол тек әнші ғана емес, профессор ретінде де білім саласына үлес қосып жүр.