Photo: Ayazhan (https://www.pexels.com/@ayazhan-3173683) / Pexels
"Никаб кигендер мәселесі": Бетін жабатындарға жаза қолданыла бастады
Қоғамдық орындарда бет-жүзін жабатын киімдерге қатысты жаңа ережелер күшіне енді. Ішкі істер министрлігінің өңірлік басқармалары никаб, балаклава сияқты киімдерге бақылауды күшейтіп, оларды медициналық себептерсіз қолдануды заң бұзушылық деп таныды.
Бұл өзгерістер өткен жылғы шілдеде қабылданған заңнамаға сәйкес жүзеге асырылуда. Жаңа жүйенің басты мақсаты – ұлттық қауіпсіздікті қамтамасыз ету және әрбір азаматты анық тіркеу.
Аталған киімдерді қылмыскерлер жиі пайдаланады. Олар ұрлық, тонау, алаяқтық сияқты заңсыз әрекеттерді жасау үшін бет-жүзін жасыруға тырысады. Жаңа ережелер бұл әрекеттердің алдын алуға бағытталған.
Діни және ұлттық киімдерге шектеу жоқ
Алайда, бұл шаралар діни немесе ұлттық киімдерге ешқандай шектеу қоймайды. Басты талап – бет-жүзді жасырмау. Тек медициналық себептер, суықтан қорғану, қызметтік міндеттерді атқару, сондай-ақ спорттық немесе мәдени іс-шаралар кезінде бетті жабуға рұқсат етіледі.
Жазалау шаралары
Заң бұзушылықтың бірінші рет орын алуында тұлғаға ескерту беріледі. Егер бір жыл ішінде бұл әрекет қайталанса, онда 10 АЕК (шамамен 43 000 теңге) көлемінде айыппұл салынады.
-
Ішкі істер министрі Ержан Сәденов Алматыдағы резонансты жол апатынан кейін бірқатар мәлімдеме жасап, кінәлілердің жазаланатынын айтты.
-
Өзбекстан Арал теңізінің құрғақ түбін жасылдандыруда инновациялық әдістер мен жүйелі тәсілдерді қолданып, Қазақстаннан алға шықты. Бұл туралы жаңа мақалада егжей-тегжейлі баяндалады.
