InfoHub Logo

Абай қаласы, Қарағанды облысы. Жергілікті жұртшылықты дүр сілкіндірген оқиғада 15 жастағы қыз баланы 38 жастағы ер адамға мәжбүрлі түрде тұрмысқа беру фактісі бойынша қылмыстық іс қозғалды. Жасөспірім бес күннен кейін туған әкесіне қашып барып, жағдайды баяндаған.

Қыздың айтуынша, оның өгей әкесі мен анасы оны өз еркінен тыс ұзатқан. Тергеу мәліметінше, отбасыда барлығы алты бала бар: төртеуі анасының қазіргі отбасынан, екеуі – «жаңа күйеуден» туған. Жәбірленушінің туған әкесі төрт баланы өз қамқорлығына алған.

Медициналық сараптама қыздың зорлық көргенін растады. Күдікті ер адам тергеу изоляторына қамалды. Қыздың өгей әкесі мен анасына қатысты тергеу жалғасып жатыр.

Жәбірленушінің туған әкесі мен нағашы атасы да қоғамнан көмек сұрап отыр. Олар кінәлілердің заң алдында толық жауап беруін талап етуде.

– «Бұл – мен үшін ауыр, бірақ әділдік бәрінен жоғары. Өз қызым да, оның қазіргі күйеуі де жазалансын. Немеремді сатып жіберді», – дейді жәбірленушінің нағашы атасы.

Сонымен қатар, құқық қорғау органдары үйден тыйым салынған діни әдебиеттерді тәркіледі. Бұл жағдай бойынша Ұлттық қауіпсіздік комитеті де өз алдына тергеу жүргізуде.

Бұл жағдай балалардың қауіпсіздігі мен қоғамдағы құқықтық мәдениеттің қаншалықты маңызды екенін тағы бір еске салып отыр.