InfoHub Logo

Танымал әнші Меруерт Түсіпбаева өнердегі әріптесі Майра Ілиясовамен арадағы қарым-қатынастың не себепті суып кеткенін ашық айтты. Бұл туралы әнші «Әңгіме бар» подкастында сөз қозғап, өткен жағдайға қатысты өз ойын білдірді.

Бұл туралы Infohub.kz ақпарат агенттігі хабарлайды.

Түсінбеушіліктер мен принциптер

Меруерт Түсіпбаеваның айтуынша, олардың арасында түсінбеушілік туындаған. Сол кезде әнші өз ұстанымынан таймай, мәселені соңына дейін жеткізгісі келген.

«Мен де принципке тұрып алдым. Негізі Майра апай жұмсақ кісі. Бірақ мен бастасам, аяғына дейін жеткізбей қоймаймын. Сөздің емес, істің адамымын. Бір жағынан, гештальтты жапқым келді», — деді Меруерт Түсіпбаева.

«Жексұрын болып көрінген шығармын»

Әнші кейбір әрекеттері сырт көзге дөрекі көрінуі мүмкін екенін де жасырмады. Ол өзінің сол кездегі мінез-құлқын түсіндіріп өтті.

«Мүмкін, сол кезде жексұрын болып көрінген шығармын. Бірақ менің мақсатым басқа еді», — деді ол.

Кешірім сұрау

Түсіпбаева бұл подкастты пайдаланып, әріптесінен кешірім сұрағысы келетінін атап өтті. Өмірдің қысқа екенін ескеріп, жасы үлкен аға-әпкелерге деген құрметін білдірді.

«Өмір қысқа ғой. Ол кісінің жасы үлкен. Мен осы подкаст арқылы Майра апайдан кешірім сұрағым келеді», — деді әнші.

Даудың себебі

Оның сөзінше, дау-дамайдың басты себебі – халықтан жиналған қаражаттың есебіне қатысты сұрақ болған. Алайда бұл мәселе дұрыс түсінілмей қалған көрінеді.

«Мен тек жиналған ақшаның есебін сұрадым. Бірақ ол кісі оны басқаша қабылдап қалған сияқты», — деп түсіндірді ол.

Әнші қазіргі таңда бұл жағдайға сабырмен қарап, өткенге өкпе сақтамайтынын жеткізді.