Алакөл кәсіпкерлері Президентке шағым хат жолдамақ
Алакөл кәсіпкерлері Президентке шағым хат жолдамақ
Президент Қасым-Жомарт Тоқаевтың сынынан кейін Алакөл өңіріндегі кәсіпкерлер билікке ашық наразылық білдіре бастады. Жағажай туризмін дамытумен айналысатын бизнес өкілдері бірлесіп, ел Президентінің атына хат дайындап, өздеріне кедергі келтіріп отырған негізгі проблемаларды атап көрсеткен.
Кәсіпкерлердің айтуынша, ең басты мәселе – жергілікті биліктің салғырттығы. Әкім ауысқан сайын құжаттар қайта рәсімделіп, рұқсат қағаздары кеш беріледі. Тиісінше, тендерлер де уақытылы өтпей, туризм маусымының ашылуы кешеуілдейді. Бұл туризм саласына тікелей зиянын тигізуде.
Олар жағажай инфрақұрылымының дамуы облыс әкімдігінің емес, республика деңгейіндегі тұрақты мекеменің құзырында болуы керек деген ұсыныс айтып отыр. Яғни, бизнес өкілдері жергілікті басқарудың тұрақсыздығынан шаршағандарын ашық жеткізуде.
Алакөлдің табиғи әлеуетіне қарамастан, туризм саласындағы жүйесіздік пен бюрократия кәсіпкерлік бастамаларға тұсау болып отыр.
You Might Also Like
-
Қатерлі ісікке қарсы Sovetonko деп аталатын жаңа препаратты қазақстандық ғалым Қуанышбек Сәрсенбай жасап шығарды. Бұл дәрі халықаралық London Rate бағалау компаниясы тарапынан 160 миллион долларға ...
-
Бұқаралық ақпарат құралдары қызметкерлері күніне орай 60 қазақстандық журналист пен медиа саласының мамандары баспаналы болды. Пәтер кілттерін "Дара" президенттік бастамалар қоры Мемлекет басшысы Қ...
