InfoHub Logo

Нахчыван Автономиялық Республикасы Жоғарғы Мәжілісінің бұрынғы депутаты Әли Аббасов өзінің депутаттық мандатынан айыру туралы шешіммен келіспейтінін мәлімдеді. Ол бұл шешімге қарсы Жоғарғы Сотқа ресми түрде шағымданды.

Бұл туралы Infohub.kz ақпарат агенттігі хабарлайды.

Бұған дейін Әли Аббасов жанжалдың ортасында қалған болатын. Ол мас күйінде таныс келіншектің үйіне кіріп, әдепсіз ұсыныс жасаған. Бұл кезде келіншектің күйеуі келіп қалып, депутат терезеден қашып шыққан. Алайда, келіншектің күйеуі оны қуып жетіп, ел алдында масқаралаған. Ашуына шыдай алмаған ер адам қаруланып, депутаттың үйіне шабуыл жасаған.

Сот шешімі және шағым

Депутаттың арсыз әрекеті сотқа дейін жетті. Жоғарғы сот оны депутаттық мандаттан айыруға үкім шығарды. Алайда, экс-парламентші бұл шешіммен келіспей, Нахчыванның Орталық сайлау комиссиясының шешіміне ресми түрде шағымданды. Өз талап арызында ол мандатын қайтарып алу процедурасының негізсіз болғанын алға тартты. Дегенмен, сот үкімі өз күшінде қалды.