InfoHub Logo

Алматының тарихи орталығында "RAMS Sayahat" тұрғын үй кешенінің техникалық ашылуы өтті. Бұл – қаланың ең көне әрі сүйікті аудандарының бірінде бой көтерген заманауи сәулет пен тарихи атмосфераны үйлестірген жаңа құрылыс.

Бұл туралы Infohub.kz ақпарат агенттігі хабарлайды.

Бірінші кезеңнің тұрғындары үшін арнайы мерекелік бағдарлама ұйымдастырылды. Онда ойын-сауық шаралары, дастархан жайылып, балаларға арналған анимациялық ойындар, музыкалық сүйемелдеу және сыйлықтар ойнатылды. Сонымен қатар, жаңа пәтер иелеріне кілттері салтанатты түрде табыс етілді.

Тарихи "Саяхат" ауданындағы жаңа өмір

RAMS Sayahat тұрғын үй кешені қаланың ең танымал аудандарының біріне үйлесімді кіріктірілген. Кешен заманауи архитектураны "Саяхат" ауданының тарихи келбетімен ұштастырады.

RAMS Almaty вице-президенті Доған Булбул: "Жылдың бірінші жартыжылдығында біз үшінші жобамызды пайдалануға беріп, тұрғындарға кілттерін табыстай бастадық. "RAMS Sayahat" тұрғын үй кешені толық пайдалануға берілгеннен кейін шамамен 2,5-3 мың тұрғынға арналған үй болады. Бұл Алматының тарихи орталығында жаңа заманауи қалалық кеңістікті қалыптастырады. Жақын арада серуендеу аймағы мен сағат мұнарасының ресми ашылуын хабарлаймыз. Бұл нысандар қала тұрғындары үшін жаңа тартылыс орталығына айналарына сенімдімін. Біздің тұрғындарымызға жаңа үйлерінде әрдайым жайлылық, бақыт, амандық және көптеген жылы отбасылық сәттер тілеймін", - деді.

Қалалық кеңістікті жаңғырту

Жоба тек жайлы тұрғын ортаны және дамыған инфрақұрылымды құруды ғана емес, сонымен қатар қоғамдық кеңістікті абаттандыруды да көздейді. Жақын арада тұрғындар мен қала қонақтары үшін серуендеу саябағы ашылады. Сондай-ақ, ауданның басты нышандарының бірі – аты аңызға айналған сағат мұнарасы да қайта жаңғырады.

Сағат мұнарасы 1967 жылы Алматыдағы алғашқы тұрақты автовокзал "Саяхат" ашылған кезде пайда болған. Кейіннен бұл әйгілі мұнара алматылықтардың бірнеше буыны үшін ауданның танымал белгісіне айналды. Жаңартылған уақыт символы жақын арада Алматының қалалық өмірінің бір бөлігі болады.

RAMS Sayahat компанияның Алматының тарихи мұрасын құрметтей отырып, қала өмірінің жайлылығын, дамыған инфрақұрылымын үйлестіретін заманауи тұрғын кеңістіктерді құру концепциясын жалғастырады.