InfoHub Logo

Ақ үй Дональд Трамптың Супермен кейпіндегі бейнесін жариялады

АҚШ президенті Дональд Трамптың Супермен бейнесінде бейнеленген суреті Instagram желісінде жарияланып, жұртшылық назарын аударды. Бұл ерекше жазбаны Ақ үйдің ресми парақшасы бөлісіп, оған «Супермен Трамп» деген атау берді. Жазбада «Үміт символы. Шындық. Әділет. Америка жолы. Супермен Трамп» деген әсерлі сөздер жазылған.

Суретке қарап-ақ оның танымал «Супермен» фильміне сілтеме екені аңғарылады. Мұндай визуалды тәсілмен Ақ үй Трамптың бейнесін американдық классикалық қаһарманмен ұқсастыра отырып, оны әділдік пен күштің символы ретінде көрсеткісі келгендей. Саяси пародия элементтері бар бұл жазба әлеуметтік желі қолданушылары арасында қызу пікірталас тудырды — бір тарап Трампты қаһарман ретінде қабылдаса, енді бірі бұл әрекетті сынға алды.

Айта кету керек, дәл осы аптаның маңызды мәдени оқиғасы ретінде 11 шілдеде Қазақстанда Джеймс Ганн режиссерлігімен түсірілген жаңа «Супермен» фильмі прокатқа шықты. Бұл туынды DC киновселенысының қайта жандануын бастаған алғашқы жоба болып есептеледі және әлемдік киноиндустрияда үлкен қызығушылық туғызып отыр. Жаңа фильм ескі дәстүрді жаңаша көзқараспен ұштастырып, басты кейіпкерді заманауи аудиторияға бейімдеуді көздейді.

Осылайша, Ақ үйдің жариялаған «Супермен Трамп» образы мен Голливудтағы жаңа «Суперменнің» прокатқа шығуы уақыт жағынан тұспа-тұс келіп отыр. Бұл да Трамп әкімшілігінің ақпараттық кеңістіктегі стратегиясымен үйлесетін әсерлі символдық қадам болуы мүмкін.