InfoHub Logo

Ақтөбе қаласының тұрғындарына арналған маңызды хабарлама жарияланды. «Қазгидромет» синоптиктері алдағы дүйсенбіде, яғни мамырдың 11-і күні қалада ауа сапасының нашарлауы мүмкін екенін ескертіп отыр.

Бұл туралы Infohub.kz ақпарат агенттігі хабарлайды.

Не себепті ауа сапасы нашарлайды?

Синоптиктердің айтуынша, «қолайсыз метеорологиялық жағдай» дегеніміз – ауадағы зиянды заттардың жинақталуына ықпал ететін желсіз немесе әлсіз желді, тұманды, инверсияны қамтитын құбылыс. Яғни, ауа райының өзгеруіне байланысты ластаушы заттар жер бетіне жақын қабатта көбірек шоғырланады.

Ақтөбедегі ауа райы

Мамырдың 11-і күні Ақтөбеде жауын-шашынсыз, аз бұлтты ауа райы күтіледі. Жел солтүстік-шығыстан, шығыстан соғады, екпіні 2-7 метр/секунд болады. Температура түнде +2...+4 градус жылы, ал күндіз +16...+18 градусқа дейін көтеріледі.

Бұған дейін Ақтөбе облысының солтүстігінде түнде 2 градус аяз болатыны хабарланған еді. Сондай-ақ, облыстың оңтүстігінде өрт қаупі жоғары күйінде қала береді.