InfoHub Logo

Астанада базарда зейнеткердің қалтасын ұрлаған күдікті ұсталды

Астанада 63 жастағы зейнеткерді базарда тонап кеткен қалта ұрысы ұсталды. Бұл туралы қалалық полиция департаменті мәлімдеді.

Оқиға “Шапағат” базарында болған. Зейнеткер сауда жасап, есеп айырысқан соң әмиянын күртешесінің қалтасына салған. Алайда үйіне келгенде оның жоғалғанын байқайды. Әмиян ішінде 200 мың теңгеден астам қаражат болған.

Жедел-іздестіру шаралары барысында полиция 29 жастағы күдіктіні анықтап, ұстады. Тергеу барысында ол кінәсін толық мойындап, ұрланған ақшаны жеке қажеттіліктеріне жұмсағанын айтқан.

Қазіргі уақытта аталған дерек бойынша қылмыстық іс қозғалып, іс материалдары сотқа жолданды.

Дереккөз