InfoHub Logo

Астана қаласында LRT желісінің құрылыс алаңы маңында белгісіз себептерден түтін шықты. Оқиға Шамши Қалдаяқов көшесінде болды. Куәгерлер түсірген видеолар редакцияға жолданды.

Бұл туралы Infohub.kz ақпарат агенттігі хабарлайды.

LRT маңындағы жағдай

Видеода LRT құрылыс алаңы маңынан қалың түтін көтеріліп жатқаны көрінеді. Видео авторының айтуынша, бұл LRT маңындағы орын алған екінші осындай жағдай.

Төтенше жағдайлар министрлігі бұл оқиғаға қатысты әлі ресми мәлімдеме жасаған жоқ. Олардың жауабы күтілуде.

LRT іске қосуға дайындық

Бұған дейін Астанадағы LRT-нің іске қосылуы мамыр айында жоспарланғаны хабарланған болатын. Қазіргі уақытта қалада айналасын абаттандыру жұмыстары қарқынды жүргізіліп, құрылыс және әрлеу жұмыстары аяқталуда.