InfoHub Logo

Атырауда өзін «хакер» деп таныстырып, алаяқтықпен айналысқан азаматқа халықаралық іздеу жарияланды. Бұл туралы Атырау облыстық полиция департаменті мәлімдеді.

Бұл туралы Infohub.kz ақпарат агенттігі хабарлайды.

Полицияның хабарлауынша, 2025 жылдың сәуір айында алаяқтық дерегі бойынша төрт азаматтан арыз түскен. Осы арыздар негізінде қылмыстық іс қозғалып, тергеу басталған. Іс төрт эпизодтан тұрады. Алайда, бұл қылмыстық істің Қызылқоға ауданындағы Жангелдин ауылында жоғалған отбасының жағдайына ешқандай қатысы жоқ екені атап өтілді.

Күдікті азамат 2025 жылдың сәуір айында Қазақстаннан шығып кеткен. Ол әлеуметтік желілерде өзінің «тергеуін» жариялай бастаған кезде шетелде болған.

Жоғалған отбасы ісі

Естеріңізге сала кетейік, 2025 жылдың күзінде Жангелдин ауылында бір отбасының төрт мүшесі із-түссіз жоғалған болатын. Кейін үй ауласынан ерлі-зайыптының мәйіттері табылып, балалары әлі күнге дейін іздестіріліп жатыр. Бұл қылмысқа қатысты 29 жастағы күйеу бала – Сұлтан Сәрсемәлиевке іздеу жарияланған еді. Полиция күдіктінің орналасқан жері анықталғанын және жақын арада ұсталатынын хабарлады.