InfoHub Logo

Атырауда отбасыны қатыгездікпен өлтіру ісі бойынша сот отырысы өтіп жатыр. Сотта күдікті Сұлтан Сәрсемәлиевтің айыптау актісін тыңдағандағы бейнежазбасы тарады. Онда ол прокурордың сөздерін ешқандай эмоциясыз, тіпті кейбір сәттерде күлкіге айналдыра жауап берген.

Бұл туралы Infohub.kz ақпарат агенттігі хабарлайды.

Сот процесінде прокурор Мирас Бауыржанов айыптау актісін оқып, қылмыстың мән-жайын баяндады. Құжатта күдіктінің экс-әпкесінің ағасы Наурыз Мұқанғалиев пен отбасының әкесі Мақсот Қарабалинді өлтіргені туралы қорқынышты деректер келтірілген. Қарабалинді өлтіргеннен кейін мәйітін кілемге орап, жалға алған үйдің ауласына көмгені айтылды.

Осы сәттерді тыңдап отырған Сәрсемәлиевтің бет әлпетінде ешқандай толқу байқалмады. Тіпті, бір сәтте оның ернінің қисаюы күлкіге ұқсас көрінді. Бұл көрініс камераға түсіп қалды.

Соттағы жауабы мен таңдауы

Судья Зәрема Хамидуллина күдіктіге алқабилер сотының қарастыру құқығын түсіндіріп, оның бұл форматтағы сотқа қатысу-қатыспау жөніндегі ұстанымын нақтылады. Алайда, Сәрсемәлиев алқабилер сотынан бас тартты. Ол мұндай соттың қажеттілігі жоқ екенін айтып, себебін нақтыламады.

Кісі өлтіру, ұрлық және алаяқтық

Сұлтан Сәрсемәлиев Қылмыстық кодекстің үш бабы бойынша айыпталуда:

Прокуратураның мәліметінше, ұрлық пен алаяқтық фактілері марқұмдардың жеке заттарын жымқырумен және малдарын заңсыз сатумен байланысты.

Психологиялық-психиатриялық сараптама қорытындысы бойынша Сәрсемәлиевтің әрекеттеріне толық жауапты екені анықталған. Оған заң бойынша өмір бойына бас бостандығынан айыру жазасы кесілуі мүмкін.