InfoHub Logo

Атыраудағы стратегиялық маңызы бар көпірдің жағдайы күннен-күнге нашарлап барады. Бұл көпір арқылы күнделікті Ресейден Өзбекстанға жүк тасымалданады, ал оның құлауы транзиттік қозғалысқа үлкен қауіп төндіруі мүмкін.

Бұл туралы Infohub.kz ақпарат агенттігі хабарлайды.

Көпірдің қазіргі жағдайы

Көпірдің бетон плиталары ажырап, арматуралары ашық күйде тұр. Жүргізушілердің айтуынша, бұл жағдай көлік дөңгелектерін зақымдап, тіпті апатқа әкелуі мүмкін.

— Біз күн сайын осы көпірден өтеміз. Түнде жүру өте қауіпті, — дейді атыраулық жүк көлігі жүргізушісі.

Акиматтың жауабы

Жергілікті билік үш жыл бұрын көпірді тексеріп, орташа жөндеу жұмыстарын жүргізгенін айтады. Бірақ бұл шаралар жеткіліксіз болып шықты.

Көпір 1985 жылы салынған, ұзындығы 305 метр, ені 14 метр. Жылдар бойы транзиттік көліктердің салмағы көпірге үлкен жүктеме түсірді.

Автор: Абзал Тоғайбаев.