InfoHub Logo

«Келінжан» телехикаясындағы Балқия рөлімен көпшілікке танылған актриса Нұргүл Мыңғатова екінші рет ана атанды. Бұл қуанышты жаңалықты өнер иесі өзінің Instagram парақшасында бөлісті.

Бұл туралы Infohub.kz ақпарат агенттігі хабарлайды.

Сүйінші хабар

42 жастағы актриса 30 сәуірде қызды болғанын жазды. «Аллаға мың шүкір. Қызды болдық», - деп жазды Нұргүл Мыңғатова.

Желідегі құттықтаулар

Актрисаның жазбасының астына көптеген желі қолданушылары құттықтауларын жаудырды. Олар сәбиге бақытты ғұмыр тілеп, анасының денсаулығына алаңдаушылық білдірді. Кейбір пікірлерде актрисаның жүктілігін қалай жасырып жүргеніне таңғалғандары да байқалды.

«Бауы берік болсын!», «Ғұмырлы болсын қызғалдағың», «Әсем қыз болып өссін», «Сұлу қыздың бауы берік болсын, кішкентай Балқия», «9 ай бойы қалай үндемей шыдадыңыз?» - деп жазды оқырмандар.