InfoHub Logo

Астанада блогерлер Ерболат Жанабылов пен Эльмира Төлегеноваға қатысты сот процесі жалғасуда. Бүгін сотталушылар соңғы сөздерін айтуы тиіс болған, алайда Төлегенова сотқа келмеді.

Бұл туралы Infohub.kz ақпарат агенттігі хабарлайды.

Сотталушының адвокаты Гаухар Айтжанованың айтуынша, оның қорғауындағы азаматша денсаулығына байланысты сот отырысына қатыса алмаған. Адвокат сотқа келмеу себебін растайтын құжаттарды кейінірек ұсынатынын мәлімдеді.

Судья Әділбек Баймаханов, денсаулық жағдайын растайтын құжаттар сот отырысы кезінде ұсынылмағанын атап өтті. Ол сотталушыға құжаттарды ұсыну немесе онлайн қосу үшін екі сағат уақыт берілетінін айтты. Егер бұл талап орындалмаса, сот отырысының себебі негізсіз деп танылып, қылмыстық істі қарауға кедергі келтіргені анықталады. Әйтпесе, сот шара қолданатынын ескертті.

Осыған байланысты судья екі сағатқа үзіліс жариялады.