InfoHub Logo

Қазақстандық боксшы Данияр Елеусінов әлеуметтік желідегі парақшасында бокс әлемінің жұлдызы Геннадий Головкин (GGG) туралы ойын бөлісті. Алайда, жазба көпшіліктің пікірін екіге жарып, кейін спортшы оны желіден алып тастады.

Бұл туралы Infohub.kz ақпарат агенттігі хабарлайды.

Головкин – нағыз чемпион

Елеусінов өзінің жазбасында Геннадий Головкинді нағыз чемпион деп атап, оған деген құрметін білдірген. Ол қазақ халқының кейде өз ішінен шыққан жұлдыздарды емес, басқа ұлт өкілдерін көбірек бағалайтынын, мұның себебі ретінде көреалмаушылықты атап өтті.

«Бізде чемпион көп болды. Бірақ олардың бәрі GGG секілді жұлдыз болуға ұмтылған жоқ. Қазақ халқы кейде өз ішімізден шыққан жұлдыздарды емес, басқа ұлт өкілдерін көбірек бағалайды. Өйткені көреалмаушылық та бар. Ал GGG – нағыз чемпион. Мен оны құрметтеймін», - деп жазды Елеусінов.

Желі қолданушыларының наразылығы

Алайда, спортшының бұл пікірі желіде қызу талқыға түсті. Әсіресе, қазақ халқы туралы айтқан сөздері көпшіліктің наразылығын тудырды. Кейбір қолданушылар Елеусіновтің ойын қолдаса, енді біреулері мұндай пікірмен мүлдем келіспейтінін білдірді.

Қоғамдық сын күшейген соң, Данияр Елеусінов аталған жазбаны әлеуметтік желіден өшіріп тастауға мәжбүр болды.

Айта кетейік, Данияр Елеусінов – 2016 жылы Рио Олимпиадасының алтын жүлдегері.