InfoHub Logo

Елімізде азаматтардың өз елді мекендеріндегі мәселелерді шешуге белсенді қатысуын ынталандыру мақсатында жаңа бастама көтерілді. Территориялық кеңестерге қатысушыларға жалақы төлеу ұсынысы талқылануда.

Бұл туралы Infohub.kz ақпарат агенттігі хабарлайды.

Мәжілісте мемлекеттік басқару және өзін-өзі басқару мәселелері бойынша заң жобасы бірінші оқылымда мақұлданды. Құжатта алғаш рет «территориялық кеңестер» деген ұғым ресми түрде бекітіледі. Бұл кеңестер арқылы қарапайым азаматтар құқық бұзушылықтармен, тіпті экстремизм мен терроризмге қарсы күреске қатысып, сондай-ақ елді мекендерді абаттандыру, мектептер мен ауруханалардың жұмысы сияқты мәселелерді шешуге атсалыса алады.

Азаматтардың еңбегі бағалана ма?

Мәжіліс депутаты Екатерина Смышляевадан бұл қызмет үшін ақы төленетін-төленбейтіні туралы сұралғанда, әріптестерінің мұндай ұсыныс жасағанын айтты. Оның айтуынша, бұл бастаманы қолдауға болады, себебі қоғамдық жұмыс, әсіресе үлкен аудандарда, уақытты көп алады.

«Жалпы, біз бұл құқықты береміз (кеңес мүшелеріне төлеу туралы). Қазір бізде күрделі міндет бар: қандай мемлекеттік орган, қандай бюджет осындай төлемді қарастыратынын анықтау керек. Егер әкімдік пен мәслихат бірігіп, аумақтық кеңестер мүшелерін марапаттау туралы шешім қабылдаса, бұл дұрыс тәжірибе деп санаймын. Адамдар жұмыс істесін десек, олардың еңбегін бағалау керек, өйткені қоғамдық қызмет, әсіресе үлкен аудандарда, барлық уақытты алады. Осы тұрғыдан алғанда, біз қолдаймыз», - деді Екатерина Смышляева Мәжілісте өткен брифингте.

Аталған тетік қалай жұмыс істейтінін депутат нақтыламады. Бұл мәселе заң жобасын екінші оқылымға дейін пысықталуы мүмкін.