InfoHub Logo

Иранның шабуылы салдарынан Катардың Рас-Лаффан қаласындағы ірі газ өңдеу зауытында «үлкен залал» келді. Бұл туралы Infohub.kz ақпарат агенттігі хабарлайды.

QatarEnergy компаниясының мәліметінше, зауыт жұмысшылары арасында қаза тапқандар жоқ. Катар Ішкі істер министрлігі өрттің бақылауға алынғанын хабарлады.

Бұл шабуыл Иранның Израильдің газ кен орнына жасаған шабуылына жауап ретінде жасалғаны айтылады. Тегеран бұған дейін Парсы шығанағындағы мұнай-газ нысандарына соққы болатынын ескерткен болатын.

Катар Сыртқы істер министрлігі Иран елшілігінің қызметкерлерін «персона нон грата» деп танып, 24 сағат ішінде елден кетуді талап етті. Министрлік бұл әрекетті «егемендіктің айқын бұзылуы және ұлттық қауіпсіздікке тікелей қауіп» деп бағалады.

Рас-Лаффан кешені әлемдегі сұйылтылған табиғи газ (СПГ) өндіретін ең ірі кәсіпорын болып саналады. Ол әлемдік СПГ жеткізілімінің шамамен 20 пайызын қамтамасыз етеді.