Камчаткада жойқын жер сілкінісінен кейін Ключев жанартауы оянып, лава атқылай бастады
Камчаткада жойқын жер сілкінісінен кейін Ключев жанартауы оянып, лава атқылай бастады
Ресейдің Қиыр Шығысында орналасқан Камчатка түбегінде табиғат түн ұйқысын бұзды: қуатты жер сілкінісінен кейін Еуразия құрлығындағы ең биік әрі ең белсенді жанартаулардың бірі — Ключев шоқысы атқылай бастады.
Ресей ғылым академиясы геофизикалық қызметінің мәліметінше, жанартау шоқысының батыс баурайынан лава ағымы байқалған, ал таудың ұшар басын жарқыраған от жапқан. Атқылау кезінде жарылыс дыбыстары да естіле бастаған.
Төтенше жағдайлар қызметі аймақта қауіп деңгейін күшейтті. Алайда соған қарамастан, жергілікті туризмге құмартқандардың кейбірі сапарынан бас тартпаған. Жанартау етегінде бірнеше туристік топ жүргені де хабарланды.
Ключев шоқысы — биіктігі 4800 метрден асатын аса белсенді жанартау. Соңғы рет ол бірнеше жыл бұрын белсенділік танытқан. Ал бұл жолғы атқылау Камчатканың сейсмикалық оянуы мен табиғи қатерлердің артуына алаңдатушылық туғызуда.
You Might Also Like
-
2025 жылғы мамырда АҚШ Қытайдан небәрі 556 миллион доллардың киім-кешегін сатып алды. Бұл — соңғы 22 жылдағы ең төменгі көрсеткіш. Импорт көлемі қатарынан төрт ай бойы азайып келеді.
-
Газа секторында Израиль әскери күштерінің шабуылынан 67 палестиналық мерт болды. Тағы 150-ден астам адам түрлі жарақат алды. Бұл туралы Газа денсаулық сақтау министрлігі хабарлады.
