InfoHub Logo

Белгілі тележүргізуші Ләйлә Сұлтанқызы жеке өміріндегі жаңалықтар мен отбасы құру туралы ойын ашық айтты. Ол «Қазақстан» телеарнасындағы «1001 түн» бағдарламасына берген сұхбатында бұл тақырыпқа қатысты пікірін білдірді.

Бұл туралы Infohub.kz ақпарат агенттігі хабарлайды.

Ұлдарының тілегі

Ләйлә Сұлтанқызының айтуынша, оның тұрмысқа шығу мәселесі бұған дейін де қозғалған. Алайда, бұл жолы ол ұлдарының өзіне айтқан сөздерін еске алды. «Бір жыл бұрын дастарқан басында екі ұлым: “Анашым, біз ертең өз жолымызбен кетеміз. Сіз жалғыз қаласыз. Біз үшін уайымдамаңыз. Егер өміріңізде өзгеріс болса, біз қарсы емеспіз” деген еді. Сол сәтте қатты таңғалдым. Жүрегіме ауыр тиді», - деп бөлісті ол.

Жалғыздықтың сезілуі

Тележүргізуші қазіргі жағдайында жалғыздықтың кейбір маңызды шешімдер қабылдау кезінде сезілетінін мойындады. «Мысалы, кіші ұлым Америкаға кеткісі келеді. Сондай сәтте әкесінің “тоқта” дейтін сөзі жетпей тұрады. Ал мен ана ретінде бәрін жұмсартып жеткізуге тырысамын. Осындайда көңілім түсіп кетеді», - деді Ләйлә Сұлтанқызы.

Желіде тараған видеодан кейін көпшілік Ләйләнің тұрмысқа шығуға ниетті екенін болжап, жақын арада қуанышты жаңалық болады деген үміттерін білдіруде.