InfoHub Logo

Бүгін, 28 қаңтарда, Алматының «Қайрат» командасы Лондонда «Арсеналға» қарсы Чемпиондар лигасының топтық кезеңіндегі соңғы матчын өткізеді. Бұл ойын барлық басқа матчтармен бір уақытта басталады.

Бұл туралы Infohub.kz ақпарат агенттігі хабарлайды.

«Арсенал» - «Қайрат»: тікелей эфир

«Қайраттың» Чемпиондар лигасындағы соңғы матчын Qazaqstan телеарнасы көрсетеді. Матч 28 қаңтардан 29 қаңтарға қараған түні сағат 01:00-де басталады.

Матчтың тікелей эфирін осы сілтеме арқылы да көруге болады.

Чемпиондар лигасының соңғы туры: кесте және трансляциялар

Чемпиондар лигасының 8-ші турындағы барлық матчтар бір уақытта, сағат 01:00-де басталады. Ойындардың нәтижелері командалардың турнирлік кестедегі орнына тікелей әсер етеді.

Qazsport арнасының тікелей эфирінде «Бенфика» - «Реал» матчы кезінде басқа ойындардың голдары мен нәтижелері көрсетіледі. Трансляцияны осы сілтеме арқылы көруге болады.

Чемпиондар лигасы: соңғы тур алдындағы командалардың жағдайы

7-ші турдан кейін 15 команда плей-офф кезеңіне жолдама алды. «Арсенал» мен «Бавария» ғана 1/8 финалға шығуды қамтамасыз етті, ал қалған командалар әлі де күресуде.

Алматының «Қайрат», Германияның «Айнтрахт», Испанияның «Вильярреал» және Чехияның «Славия» командалары плей-оффқа шығу мүмкіндігінен айырылды.